Urdu Poetry

دھوپ سات رنگوں میں

Advertisements

دھوپ سات رنگوں میں پھیلتی ہے آنکھوں پر 
برف جب پگھلتی ہے اس کی نرم پلکوں پر 

پھر بہار کے ساتھی آ گئے ٹھکانوں پر 
سرخ سرخ گھر نکلے سبز سبز شاخوں پر 

جسم و جاں سے اترے گی گرد پچھلے موسم کی 
دھو رہی ہیں سب چڑیاں اپنے پنکھ چشموں پر 

ساری رات سوتے میں مسکرا رہا تھا وہ 
جیسے کوئی سپنا سا کانپتا تھا ہونٹوں پر 

تتلیاں پکڑنے میں دور تک نکل جانا 
کتنا اچھا لگتا ہے پھول جیسے بچوں پر 

لہر لہر کرنوں کو چھیڑ کر گزرتی ہے 
چاندنی اترتی ہے جب شریر جھرنوں پ
ر

Poet: Parveen Shakir
%d bloggers like this: